ΑΓΙΟΙ ΔΩΔΕΚΑ ΑΠΟΣΤΟΛΟΙ – Χαιρετισμοί εις τους Αγίους Δώδεκα Πανεύφημους Αποστόλους
Κοντάκιον. Ήχος πλ. δ´. Τη Υπερμάχω.
Τους Αποστόλους του Χριστού ανευφημήσωμεν, την δωδεκάριθμον χορείαν την εξάκουστον, τους κηρύξαντες τον λόγον της αληθείας, και ελκύσαντας τα έθνη προς επίγνωσιν, της Τριάδος και την πλάνην αμαυρώσαντας, τούτοις κράζοντες· χαίρετε θείοι Άπόστολοι.
Άγγελοι ουρανόθεν κατεπλάγησαν όντως, την τόλμην των σοφών Άποστόλων (γ´), ότι δώδεκα μόνοι και άοπλοι, εχώρησαν προς έθνη πάντα, τη πίστει σαγηνεύσαντες αυτά, προς ούς διό βοώμεν·
Χαίρετε, θείοι Μαθηταί Κυρίου·
χαίρετε, μύσται Θεού του Λόγου.
Χαίρετε, Εκκλησίας θεοφρούρητον τείχος·
χαίρετε, ευσεβείας κραταιότατον ξίφος.
Χαίρετε, δένδρα πολυάνθητα πηγάζοντα γλυκασμόν·
χαίρετε, κλήματα πολύφορα φέροντα οίνον μυστικόν.
Χαίρετε, Εκκλησίας αδιάσειστοι στύλοι·
χαίρετε, του Κυρίου γνησιώτατοι φίλοι.
Χαίρετε, κανόνες πρακτικής εμπειρίας·
χαίρετε, λαμπτήρες ευσεβούς θεωρίας.
Χαίρετε, θηρίων ορατών αναιρέται·
χαίρετε, δρακόντων νοητών καθαιρέται.
Χαίρετε θείοι Απόστολοι.
Βλέπων ο Παντεπόπτης το ανθρώπινον γένος, λυμαινόμενον εκ του λυμεώνος, τον μονογενή Υιόν Αυτού έπεμψε, και δωδεκάριθμον χορόν Μαθητών ήθροισε, κηρύξαι τοις ανθρώποις του ψάλλειν·
Αλληλούια.
Γένος αδαμιαίον, εξωσθέν της Εδέμ πάλαι, κατήντησεν εις γην την ακανθηφόρον, εν ιδρώτι και κόπω πολλώ φαγείν άρτον· αλλ’ ο φύσει χρηστός Κύριος, σωτήρας ημών τους Αποστόλους έδειξε, προς ούς ανθ᾽ ων βοώμεν·
Χαίρετε, φέγγος της ευσεβείας·
χαίρετε, πτώσις της ασεβείας.
Χαίρετε, νόμου παλαιού θείοι φύλακες·
χαίρετε, νέας χάριτος αληθείς κήρυκες.
Χαίρετε, της Χριστού παρουσίας προάγγελοι·
χαίρετε, της πιστών ευσεβείας οι πρόβολοι.
Χαίρετε, τόξα οξύτατα εκδιώκοντες εχθρούς·
χαίρετε, πρέσβεις θερμόταιτοι διασώζοντες πιστούς.
Χαίρετε, σοφών υπερβαίνοντες γνώσιν·
χαίρετε, πιστών καταγάζοντες φρένας.
Χαίρετε, θείου Πνεύματος οι επόπται·
χαίρετε, πλάνης διαβόλου διώκται.
Χαίρετε θείοι Απόστολοι.
Δύναμις του Υψίστου εφ’ υμάς δεδομένη, Απόστολοι, κηρύξαι το Τρισήλιον κράτος και την άγνωστον γνώσιν φανερώς υμείς εκηρύξατε, εν έργω τε και λόγω, βοώντες αλήκτως τη Τριάδι·
Αλληλούια.
Έχοντες την Τριάδα εν υμίν ενοικούσαν, Απόστολοι του Θεού Λόγου, εις τα έθνη πάντα αστραπαί καθάπερ εφάνατε τον λόγον της αληθείας, και πάντας εφωτίσατε, διό κελαδούμεν·
Χαίρετε, Χριστού οι πιστοί υπηρέται·
χαίρετε, πιστών προς Αυτόν οι μεσίται.
Χαίρετε, τα έθνη Κυρίω προσάξαντες·
χαίρετε, δουλείας εχθρού ημάς ρύσαντες.
Χαίρετε, κράμα ξένον τοις ανθρώποις κεράσαντες·
χαίρετε, νάμα ζωηρόν τοις βροτοίς χορηγήσαντες.
Χαίρετε, τα τεμένη των ξοάνων τεφρώσαντες·
χαίρετε, Εκκλησίας Θεού εις δόξαν δομήσαντες.
Χαίρετε, θανάτου τους λαούς αφαρπάσαντες·
χαίρετε, δωρεάν τας ιάσεις βραβεύσαντες.
Χαίρετε, φθαρτόν πλούτον μισήσαντες·
χαίρετε, πιστών οι χοροί και βοήσατε
Χαίρετε θείοι Απόστολοι.
Ζάλης της εκ της πλάνης κινδυνεύοντας, πάντας τους ανθρώπους, Απόστολοι θείοι, προς γαλήνην όντως γαληνώς διεσώσατε, και εκ βυθού απιστίας ειλκύσατε, αδοντας Κυρίω·
Αλληλούια.
Ήκουσαν Αποστόλων την φθογγήν λαοί πάντες και έδραμον προς πίστιν αγίαν· αυγασθέντες γαρ φωτί του Τρισηλίου αμαρύγματος, αντιπέμπουσι πιστοίς την δόξαν, διόπερ ελλαμπόμενοι βοώμεν·
Χαίρετε, ιατροί καχεκτούντων·
χαίρετε, αρρωγοί ασθενούντων.
Χαίρετε, αοράτων εχθρών αμυντήρια·
χαίρετε, Παραδείσου θυρών ανοικτήρια.
Χαίρετε, λογικών προβάτων ποιμένες σωτήριοι·
χαίρετε, ποιμενάρχαι ποιμένες παγκόσμιοι.
Χαίρετε, των θλιβομένων παραμυθία τυγχάνοντες·
χαίρετε, των νοσούντων ιατρεία υπάρχοντες.
Χαίρετε, αστέρες φαεινοί νοητού στερεώματος·
χαίρετε, ακτίνες τηλαυγείς ορθοδόξου πληρώματος.
Χαίρετε, δι’ ων εφωτίσθη η κτίσις·
χαίρετε, υφ’ ων εφηπλώθη η πίστις.
Χαίρετε θείοι Απόστολοι.
Θεοδώρητον χάριν εκ Θεού ειληφότες, πηγάζετε τοις πιστοίς τας ιάσεις· νοσούντας γαρ ιάσθε, αιχμαλώτους λυτρούσθε και πάσι ταχέως προφθάνετε, εξ ακενώτων του Πνεύματος την χάριν πλουτούντες και παρέχοντες τοις μελωδούσιν·
Αλληλούια.
Ίδον φως οι εν σκότει καχεσπέρου απάτης καθήμενοι, Απόστολοι θεηγόροι· εν λυχνία γαρ της του Χριστού Εκκλησίας τεθέντες, εφωτίσατε λατρεύειν τη Τριάδι· διό οι φωτισθέντες δι’ υμών βοώμεν·
Χαίρετε, σοφοί ποιμενάρχαι Κυρίου·
χαίρετε, σεπτοί μυστηπόλοι του Λόγου.
Χαίρετε, των Ελλήνων της πλάνης οι έλεγχοι·
χαίρετε, ευσεβούντων λαών οι υπέρμαχοι.
Χαίρετε, δι’ ων πέπτωκεν η δαιμόνιος πληθύς·
χαίρετε, δι’ ων ίδρυται χριστωνύμων η ισχύς.
Χαίρετε, συμπαθέστατοι Κυρίου Απόστολοι·
χαίρετε, ευμενέστατοι και λίαν φιλόπτωχοι.
Χαίρετε, δι’ ων δυσσεβών τόξα ητόνησαν·
χαίρετε, υφ’ ων αιρετικών γλώσσαι ησθένησαν.
Χαίρετε, σοφοί οικουμένης το κύδος·
χαίρετε, λαμπροί Εκκλησίας το κλέος.
Χαίρετε θείοι Απόστολοι.
Κήρυκες της ακτίστου τρισηλίου Μονάδος, εδείχθητε Απόστολοι θεηγόροι, διδάξαντες πάσι τα ορθά της ευσεβείας δόγματα, και αθείαν εκ ποδών ποιήσαντες, και τρανώσαντες βοάν τη Τριάδι·
Αλληλούια.
Λάμψαντες ως φωστήρες και πυρσοί εν τω κόσμω, τους πάντας ποδηγείτε οδεύειν, την ατραπή ευσεβείας οδόν, και λυτρούσθε εκ δεινών και συμφορών εκάστοτε ημάς· διό επαξίως υμίν βοώμεν·
Χαίρετε, δούλοι πιστοί Δεσπότου·
χαίρετε, φίλοι τερπνοί Κυρίου.
Χαίρετε, πιστών σωτηρία και στήριγμα·
χαίρετε, μοναστών ασφαλείας προπύργια.
Χαίρετε, των δαιμόνων εκμειώσαντες σκότος·
χαίρετε, της Τριάδος απαστράψαντες φέγγος.
Χαίρετε, πλεόντων λιμένες αχείμαστοι·
χαίρετε, πταιόντων μεσίται θερμότατοι.
Χαίρετε, πτωχευόντων βοηθοί ανελλιπείς·
χαίρετε, πενομένων θησαυροί περιφανείς.
Χαίρετε, δωρεάν ιωμένους άπαντας·
χαίρετε, συμπαθώς συγχωρούντες πταίοντας.
Χαίρετε θείοι Απόστολοι.
Μύρον εξεκενώθη ταίς ψυχαίς υμών όντως, καυθέν του Παρακλήτου τη θέρμη, και τον κόσμον ευωδίας έπλησε θαυμάτων πλήθη, Απόστολοι Κυρίου, τοις εκ καρδίας μέλπουσι τον ύμνον·
Αλληλούια.
Νόμου καινού, θεόπται, εκ Σιών του δοθέντος, διάκονοι και πιστοί οικονόμοι εδείχθητε, εν κόσμω παντί κηρύξαντες και πλάνην εκμειώσαντες, διό βοώμεν μετά δέους τοιαύτα·
Χαίρετε, άνθη της αφθαρσίας·
χαίρετε, νίκος της κληρουχίας.
Χαίρετε, τροφή πεινώντων εν Πνεύματι·
χαίρετε, τρυφή πλουτούντων εν χάριτι.
Χαίρετε, συμβιοτεύσαντες Θεώ Λόγω εν τη γη·
χαίρετε, συνεδριάζοντες νυν Αυτώ εν ουρανώ.
Χαίρετε, λαμπροί καθέδραι αισθήσεων·
χαίρετε, καινά πυξία του Πνεύματος.
Χαίρετε, κοινού θανάτου ανώτεροι·
χαίρετε, φθοράς σωμάτων υπέρτεροι.
Χαίρετε, σοφίας Θεού πληρέστατοι·
χαίρετε, παντός του κόσμου διάκοσμοι.
Χαίρετε θείοι Απόστολοι.
Ξενηκούστων θαυμάτων αυτουργοί γεγονότες, Απόστολοι Κυρίου, και θάμβει λαούς, φυλάς και έθνη, Χριστώ δι’ αυτών προσηγάγετε, και σωτηρίας πρόξενοι γεγόνατε· Θεός γαρ οίδε δοξάζειν τους Αυτόν αντιδοξάζοντας και βοώντας·
Αλληλούια.
Όλος ήλθεν εξ ύψους, την θεότητα έχων, Πατρός ο προαιώνιος Λόγος, και τα έθνη προσκαλεί διά των Μαθητών εκ σκότους προς φως, ούς ως βολίδας αστραπτούσας έπεμψε, διό φαμέν τοιαύτα
Χαίρετε, ζωής ξένη αμβροσία·
χαίρετε, πνοής ανθηδών ευώδης.
Χαίρετε, Απόστολοι των ανθρώπων πορθμευταί·
χαίρετε, υφηγόροι Θεού Λόγου Μαθηταί.
Χαίρετε, των Αγγέλων συμπολίται και σύσκηνοι·
χαίρετε, των δαιμόνων διώκται πρηστήριοι.
Χαίρετε, έσοπτρα εμφάσεων καθαρών χωρητικών·
χαίρετε, άξια θησαυρίσματα των Χριστού μακαρισμών.
Χαίρετε, φιλοσόφους ασόφους ελέγξαντες·
χαίρετε, τεχνολόγους αλόγους ενδείξαντες.
Χαίρετε, φως τοις εν σκότει αυγάζοντες·
χαίρετε, αύγος της Τριάδος αστράπτοντες.
Χαίρετε θείοι Απόστολοι.
Πάσα βρότειος γλώσσα, ουκ ισχύει λαλήσαι υμών την υπερδύναμον χάριν, πως απλοί και άσοφοι δοκησισόφους ησχύνατε, και πάντας εδιδάξατε τη Τριάδι ψάλλειν·
Αλληλούια.
Ρήτορας πολυφθόγγους, ως ιχθύας αφώνους εδείξατε τη δυνάμει του Λόγου αυτόπται, το άφραστον μυστήριον ρητορεύοντες Θεού ενανθρωπήσεως, και το τρισσόν της θεαρχίας διατρανώσαντες, πάσιν ημίν τοις βοώσιν ούτω·
Χαίρετε, θεία όργανα Παρακλήτου·
χαίρετε, ρόδα εύοσμα Παραδείσου.
Χαίρετε, Ελλήνων μωρίαν ελέγξαντες·
χαίρετε, αθέων μανίαν οι σβέσαντες.
Χαίρετε, μύρα ευωδέστατα οι προχέοντες πιστοίς·
χαίρετε, ρείθρα ιάσεων οι πηγάζοντες λαοίς.
Χαίρετε, ευσεβούντων το κέρας ανυψούντες·
χαίρετε, ασεβούντων την οφρύν καταργούντες.
Χαίρετε, τερπνά Εκκλησίας κειμήλια·
χαίρετε, φαιδρά ευσεβών ορμητήρια.
Χαίρετε, πρεσβευταί των υμάς ευφημούντων·
χαίρετε, λυτρωταί των υμίν προσφωνούντων
Χαίρετε θείοι Απόστολοι.
Σώσατε τους εν πίστει τω αγίω τεμένει, Απόστολοι, υμών προσεδρεύοντας πόθω, και εκ πάσης βλάβης και δεινών ρύσασθε, παρρησίαν ως έχοντες προς Θεόν σώζειν τους βοώντας·
Αλληλούια.
Τείχος των Ορθοδόξων και απόρθητοι πύργοι εδείχθητε, ω Απόστολοι θείοι, εν οις καταφεύγοντες σωζόμεθα και λύτρωσιν ευράμενοι των εκ δυσμενών κακονομιών βοώμεν·
Χαίρετε, σώσται κινδυνευόντων·
χαίρετε, ρύσται των ευσεβούντων.
Χαίρετε, διόπτραι τρισοφεγγούς φάους·
χαίρετε, κατόπτραι διαφαίνουσαι πράους.
Χαίρετε, αστραπαί διελθούσαι την κτίσιν·
χαίρετε, αι βρονταί διηχούσαι την πίστιν.
Χαίρετε, φωστήρες ηλίου λαμπρότεροι·
χαίρετε, λαμπτήρες αστέρων φανότεροι.
Χαίρετε, ευσεβείας τα λαμπρά αγάλματα·
χαίρετε, Εκκλησίας τα τερπνά ινδάλματα.
Χαίρετε, υφ’ ων ο Χριστός εδοξάσθη·
χαίρετε, δι’ ων ο σατάν κατησχύνθη.
Χαίρετε θείοι Απόστολοι.
Ύμνον Σοι, Θεού Λόγε, εκ στομάτων πηλίνων, προσφέρομεν τολμώντες εκ πόθου, ότι πρεσβευτάς ημίν δέδωκας τους θείους Αποστόλους σου, πιστώς σε θεραπεύσαντας και δι’ ων οικτείρεις τους σοι βοώντας·
Αλληλούια.
Φωτοπάροχον αίγλην τοις εν σκότει του βίου αυγάζοντες, γινώσκομεν πάντες, οδηγούντας προς φως αληθείας, θεηγόροι Απόστολοι, νέφος παθών εκδιώκοντας· διό οι φωτισθέντες κραυγή υμάς τιμώμεν·
Χαίρετε, δι’ ων η αλήθεια φαίνει·
χαίρετε, υφ’ ων το σκότος ηλάθη.
Χαίρετε, όρη γλυκασμόν οι σταλάζοντες·
χαίρετε, όμβροι νοητήν γην μεθύοντες.
Χαίρετε, Αποστόλων δωδεκάς η θεόλεκτος·
χαίρετε, Μαθητών ο χορός ο εξάκουστος.
Χαίρετε, ότι την υφήλιον αυγάζετε μυστικώς·
χαίρετε, ότι την περίγειον περιθέετε νοητώς.
Χαίρετε, λαμπρά της πίστεως γνωρίσματα·
χαίρετε, Θεού της πόλεως ορμήματα.
Χαίρετε, οσμή της Χριστού ευωδίας·
χαίρετε, τρυφή μυστικής ευωχίας.
Χαίρετε θείοι Απόστολοι.
Χάρις τω Παντεπόπτη και ημών κηδεμόνι, τω δείξαντι σωτήρας, και κοινούς ημών υμάς ευεργέτας, δι’ υμών γαρ πας πιστός σέσωσται και παρρησίαν προς αυτόν ευρίσκομεν, οι εν κακοίς υπεύθυνοι βοώντες·
